آج ملک میں سونے کی قیمت میں ہزاروں روپے کا اضافہ ریکارڈ کیا گیا۔
آل پاکستان جیمز اینڈ جیولرز ایسوسی ایشن کے مطابق ملک میں فی تولہ سونے کی قیمت میں 3,400 روپے کا اضافہ ہوا ہے، جس کے بعد سونے کی فی تولہ قیمت 469,562 روپے تک پہنچ گئی ہے۔
ایسوسی ایشن نے بتایا کہ 10 گرام سونے کا بھاؤ بھی 2,915 روپے اضافے کے ساتھ 402,573 روپے ہو گیا ہے۔
عالمی مارکیٹ میں بھی سونے کی قیمت میں اضافہ ریکارڈ کیا گیا، جہاں فی اونس سونا 34 ڈالر اضافے کے بعد 4,472 ڈالر ہو گیا ہے۔
