ملک میں سونے کی قیمت میں اضافے کا سلسلہ بدستور جاری ہے اور آج بھی ہزاروں روپے کا نمایاں اضافہ ریکارڈ کیا گیا۔ آل پاکستان جیمز اینڈ جیولرز ایسوسی ایشن کے مطابق فی تولہ سونا 8 ہزار 500 روپے مہنگا ہو کر 4 لاکھ 70 ہزار 862 روپے تک پہنچ گیا۔

اسی طرح 10 گرام سونے کا بھاؤ 7 ہزار 288 روپے اضافے سے 4 لاکھ 3 ہزار 688 روپے ہو گیا، یوں ملک میں پہلی بار 10 گرام سونے کی قیمت 4 لاکھ روپے کی حد عبور کر گئی ہے۔

دوسری جانب عالمی مارکیٹ میں سونے کا بھاؤ 85 ڈالر اضافے سے 4 ہزار 485 ڈالر فی اونس ہو گیا ہے۔ واضح رہے کہ گزشتہ روز بھی فی تولہ سونے کی قیمت میں 6 ہزار 200 روپے کا اضافہ ہوا تھا۔