ملک میں سونے کے نرخ میں اضافے کا سلسلہ جاری ہے اور آج بھی سونے کی قیمت میں نمایاں اضافہ ریکارڈ کیا گیا ہے۔

گزشتہ روز فی تولہ سونے کی قیمت میں 2700 روپے اضافہ ہوا تھا، جبکہ آج سونا مزید 2200 روپے مہنگا ہو گیا۔ دو دن میں مجموعی طور پر سونے کے نرخ میں 4900 روپے اضافہ ہوا ہے، جس کے بعد فی تولہ سونے کی نئی قیمت 4 لاکھ 55 ہزار 762 روپے ہو گئی ہے۔

اسی طرح دس گرام سونے کی قیمت میں 1800 روپے اضافہ ہونے سے نئی قیمت 3 لاکھ 90 ہزار 742 روپے تک پہنچ گئی ہے۔

دوسری جانب عالمی مارکیٹ میں سونے کی قیمت میں 22 ڈالر اضافے کے بعد فی اونس سونا 4334 ڈالر کا ہو گیا ہے، جبکہ چاندی کی فی تولہ قیمت 78 روپے بڑھ کر 6900 روپے ہو گئی ہے۔