ملک میں سونے کی قیمتوں میں کمی کا سلسلہ جاری ہے۔ گزشتہ روز ایک ہزار روپے کمی کے بعد آج بھی سونے کے نرخ مزید 1700 روپے کم ہو گئے، جس کے بعد فی تولہ سونا 4 لاکھ 41 ہزار 462 روپے پر آگیا ہے۔
دس گرام سونے کی قیمت میں بھی 1457 روپے کی کمی ریکارڈ کی گئی، جس سے نئی قیمت 3 لاکھ 78 ہزار 482 روپے ہوگئی۔
اعداد و شمار کے مطابق دو دن کے دوران سونے کی قیمت فی تولہ مجموعی طور پر 2700 روپے کم ہو چکی ہے۔
دوسری جانب گزشتہ روز سونے کی قیمتوں میں کمی کے برعکس فی تولہ چاندی کی قیمت میں نمایاں اضافہ ہوا تھا، جس کے بعد چاندی کے نرخ 6 ہزار روپے سے تجاوز کر گئے تھے۔
