محکمہ موسمیات کے مطابق ملک کے بیشتر علاقوں میں موسم سرد اور خشک رہے گا جبکہ پہاڑی علاقوں میں صبح اور رات کے اوقات میں شدید سردی برقرار رہنے کا امکان ہے۔
محکمہ موسمیات نے پنجاب اور خیبر پختونخوا کے میدانی علاقوں میں صبح اور رات کے اوقات میں دھند پڑنے کی پیشگوئی کی ہے۔ ادارے کا کہنا ہے کہ اگلے چند روز کے دوران شمالی علاقوں میں دن اور رات کے درجہ حرارت میں مزید کمی متوقع ہے جبکہ پنجاب اور خیبر پختونخوا کے میدانی اضلاع میں دھند میں بتدریج اضافہ ہوگا۔
گزشتہ 24 گھنٹوں کے دوران بھی ملک کے زیادہ تر حصوں میں موسم سرد اور خشک رہا جبکہ پہاڑی علاقوں میں شدید سردی ریکارڈ کی گئی۔ پنجاب اور خیبر پختونخوا کے چند میدانی اضلاع میں دھند چھائی رہی۔
محکمہ موسمیات کے مطابق سب سے کم درجہ حرارت سکردو میں منفی 11 ڈگری سینٹی گریڈ ریکارڈ کیا گیا۔
ادھر لاہور بدستور آلودہ ترین شہروں میں شامل ہے اور آج بھی فضائی آلودگی کی عالمی فہرست میں پانچویں نمبر پر موجود ہے۔ شہر کا مجموعی ایئر کوالٹی انڈیکس (AQI) 199 ریکارڈ کیا گیا جبکہ سول سیکریٹریٹ کے علاقے میں اے کیو آئی 810 تک پہنچ گیا جو شہریوں کی صحت کے لیے انتہائی مضر قرار دیا جا رہا ہے۔
.jpeg)
.jpeg)
.jpeg)
