امریکا نے افغان پاسپورٹ رکھنے والے تمام افراد کے لیے ویزوں کا اجرا فوری طور پر روک دیا ہے، جبکہ اسائلم کی تمام زیر التوا درخواستوں سے متعلق فیصلے بھی معطل کر دیے گئے ہیں۔ امریکی حکام کے مطابق یہ اقدامات قومی سلامتی کے پیشِ نظر کئے گئے ہیں۔
امریکی وزیر خارجہ نے اپنے بیان میں کہا کہ قوم اور شہریوں کا تحفظ اولین ترجیح ہے، اسی وجہ سے ویزا پالیسی میں سخت اقدامات ناگزیر تھے۔ امریکی محکمہ خارجہ نے واضح کیا کہ صدر ٹرمپ کے احکامات کی روشنی میں افغان شہریوں کے لیے ویزوں کا اجرا عارضی طور پر معطل کیا گیا ہے تاکہ سیکیورٹی سکریننگ مزید مضبوط کی جا سکے۔
دوسری جانب یو ایس سٹیزن شپ اینڈ امیگریشن سروسز (USCIS) نے بھی پناہ گزینوں سے متعلق تمام فیصلے روکنے کا اعلان کر دیا ہے۔ ایجنسی کے ڈائریکٹر جوزیف ایڈلو کا کہنا ہے کہ غیر ملکی افراد کی سخت جانچ پڑتال اور زیادہ سے زیادہ اسکریننگ یقینی بنانے تک کوئی فیصلہ نہیں کیا جائے گا۔
حکام کا کہنا ہے کہ یہ اقدامات عارضی ہیں، تاہم اس بات کی مدت نہیں بتائی گئی کہ پابندی کب تک برقرار رہے گی۔
.jpeg)
.jpeg)
.jpeg)
