محکمہ موسمیات نے آئندہ دنوں کے دوران ملک کے بیشتر حصوں میں موسم سرد اور خشک رہنے کی پیشگوئی کی ہے۔ رپورٹ کے مطابق شمالی اور پہاڑی علاقوں میں صبح و شام شدید ٹھنڈ پڑنے کا امکان ہے، جبکہ کشمیر، گلگت بلتستان اور شمالی بلوچستان میں درجہ حرارت مزید کم ہونے کی توقع ہے۔
پی ایم ڈی کے مطابق پنجاب اور خیبر پختونخوا کے میدانی علاقوں،خصوصاً اسلام آباد، لاہور، پشاور اور گردونواح میں صبح و شام دھند یا سموگ چھانے کا امکان ہے، جس کی شدت آنے والے دنوں میں مزید بڑھ سکتی ہے۔ پشاور، صوابی، مردان اور ڈیرہ اسماعیل خان میں بھی علی الصباح ہلکی سے درمیانی دھند پڑنے کی پیش گوئی کی گئی ہے۔
دوسری جانب جنوبی پنجاب، سندھ اور وسطی بلوچستان میں موسم خشک رہے گا تاہم صبح اور رات کے اوقات میں خنکی میں اضافہ متوقع ہے۔
ماہرین نے شہریوں کو ہدایت کی ہے کہ سموگ کے دوران ماسک کا استعمال بڑھایا جائے، صبح کے وقت غیر ضروری سفر سے گریز کیا جائے، اور کمزور قوت مدافعت رکھنے والے افراد خاص احتیاط کریں۔
.jpeg)
.jpeg)
.jpeg)
