سونے کی قدر میں اتار چڑھاؤ کا سلسلہ جاری ہے۔ گزشتہ روز 3500 روپے کی کمی کے بعد آج بھی سونا مزید سستا ہو گیا۔
آل پاکستان صرافہ جیمز اینڈ جیولرز ایسوسی ایشن کے مطابق بدھ کے روز 24 قیراط سونے کی فی تولہ قیمت میں ایک ہزار روپے کمی ریکارڈ کی گئی، جس کے بعد یہ گزشتہ روز کے 4 لاکھ 20 ہزار 362 روپے سے کم ہو کر 4 لاکھ 19 ہزار 362 روپے فی تولہ پر فروخت ہوا۔
اسی طرح 24 قیراط کے 10 گرام سونے کی قیمت میں 857 روپے کی کمی کے بعد یہ 3 لاکھ 59 ہزار 535 روپے پر آگئی، جبکہ 22 قیراط سونا 678 روپے کمی کے ساتھ 3 لاکھ 29 ہزار 585 روپے فی 10 گرام میں دستیاب رہا۔
عالمی منڈی میں بھی کمی دیکھی گئی، جہاں سونا 10 ڈالر کی کمی کے بعد 3 ہزار 970 ڈالر فی اونس پر بند ہوا۔
دوسری جانب ملکی مارکیٹ میں چاندی کی قیمتوں میں کوئی تبدیلی نہیں ہوئی۔ 24 قیراط چاندی کی فی تولہ قیمت 5 ہزار 22 روپے اور 10 گرام چاندی کی قیمت 4 ہزار 305 روپے پر برقرار رہی، جبکہ عالمی منڈی میں چاندی کا ریٹ بھی 47.60 ڈالر فی اونس پر مستحکم رہا۔
.jpeg)
.jpeg)
