ملک بھر میں سونے کی قیمت میں نمایاں کمی ریکارڈ کی گئی ہے، منگل کے روز صرافہ مارکیٹ میں فی تولہ سونا ہزاروں روپے سستا ہوگیا۔
آل پاکستان صرافہ جیمز اینڈ جیولرز ایسوسی ایشن کے مطابق 24 قیراط سونے کا فی تولہ نرخ 3500 روپے کمی کے بعد 4 لاکھ 20 ہزار 362 روپے پر آ گیا۔ اسی طرح 24 قیراط کے 10 گرام سونے کی قیمت میں 3 ہزار ایک روپے کی کمی ہوئی، جس کے بعد نئی قیمت 3 لاکھ 60 ہزار 392 روپے مقرر کی گئی۔
عالمی مارکیٹ میں بھی سونا 35 ڈالر سستا ہوا، جس کے بعد فی اونس قیمت 3980 ڈالر رہ گئی۔
ادھر چاندی کی قیمتوں میں بھی کمی کا سلسلہ جاری ہے۔ فی تولہ چاندی 130 روپے کمی سے 5 ہزار 22 روپے جبکہ 10 گرام چاندی 112 روپے کمی کے بعد 4 ہزار 305 روپے ہو گئی۔ عالمی مارکیٹ میں فی اونس چاندی 47.60 ڈالر ریکارڈ کی گئی۔
.jpeg)