آسٹریلیا کی سڈنی یونیورسٹی کے سائنسدانوں نے ایسا انقلابی پینٹ تیار کیا ہے جو چھتوں پر استعمال کے بعد ائیرکنڈیشنر کی ضرورت کو کم یا ختم کر سکتا ہے۔
ماہرین کے مطابق یہ پینٹ چھت کی سطح کے درجہ حرارت کو اردگرد کے ماحول سے 6 ڈگری سینٹی گریڈ تک کم کر دیتا ہے۔ اس کے ساتھ یہ فضا سے پانی بھی جذب کرتا ہے جس سے گھر کے اندر کا درجہ حرارت نمایاں طور پر گھٹ جاتا ہے۔
تحقیق میں بتایا گیا ہے کہ سوراخ دار فلم کے ذریعے تیار کردہ یہ پینٹ 96 فیصد شمسی تابکاری کو واپس فضا میں پلٹا دیتا ہے اور مؤثر انداز میں حرارت کو منتشر کرتا ہے۔
سائنسدانوں کا کہنا ہے کہ موسمیاتی تبدیلیوں کے باعث بڑھتی ہیٹ وویوز کے دور میں یہ پینٹ گھروں کو قدرتی طور پر ٹھنڈا رکھنے میں مددگار ثابت ہو سکتا ہے، خاص طور پر ان علاقوں میں جہاں ائیرکنڈیشنر کا استعمال ممکن نہیں۔
