پشاور، فقیر آباد کے علاقے میں گھر کے اندر ایک ساتھ تین قتل کی واردات سامنے آئی ہے، جہاں نامعلوم ملزمان نے ایک مرد اور دو خواتین کو سے قتل کردیا۔
پولیس کے مطابق جاںبحق افراد کی شناخت عبدالرحمان ولد دل آور (عمر 30/31 سال)، مسماۃ (ن) زوجہ دل آور (عمر 60 سال) اور مسماۃ (س) زوجہ عبدالرحمان (عمر 26/27 سال) کے نام سے ہوئی ہے۔
پولیس کے مطابق واقعہ گزشتہ رات پیش آیا جب ملزمان نے تیز دھار آلے سے تینوں افراد پر حملہ کیا، جس کے نتیجے میں وہ موقع پر ہی جاں بحق ہوگئے۔
لاشوں کو پوسٹ مارٹم کے لیے ہسپتال منتقل کردیا گیا ہے جبکہ پولیس نے جائے وقوعہ سے شواہد اکٹھے کرکے ہر پہلو سے تفتیش شروع کردی ہے۔
