خیبرپختونخوا سے سینیٹ کی جنرل نشست پر ضمنی انتخاب کے لیے پولنگ صوبائی اسمبلی کے جرگہ ہال میں جاری ہے۔ یہ نشست سابق سینیٹر سید شبلی فراز کی نااہلی کے بعد خالی ہوئی تھی۔
ضمنی انتخاب میں تین امیدواروں کے درمیان مقابلہ ہو رہا ہے جن میں تاج محمد آفریدی، خرم ذیشان اور عرفان سلیم شامل ہیں۔ ذرائع کے مطابق دو امیدوار، عابد خان یوسفزئی اور نثار خان، گزشتہ روز دستبردار ہو گئے تھے۔
پولنگ کے دوران پہلا ووٹ حلقہ پی کے-115 سے احسان اللہ خان نے کاسٹ کیا، جب کہ اقلیتی رکن گورپال سنگھ نے بھی اپنا ووٹ ڈالا۔ تاحال تین ووٹ پول کئے جا چکے ہیں اور ووٹنگ کا عمل پرامن طور پر جاری ہے۔
الیکشن کمیشن کے مطابق ضمنی انتخاب کے سلسلے میں تمام انتظامات مکمل کر لیے گئے ہیں، جبکہ پولنگ کا عمل صبح 9 بجے شروع ہوا جو شام 4 بجے تک بلا تعطل جاری رہے گا۔
.jpeg)
