دبئی میں کل بروز اتوار پاکستان اور بھارت کے درمیان ایشیا کپ کا فائنل کھیلا جائے گا، تاہم دونوں ٹیموں کے درمیان جاری تناؤ کے باعث اس بار فائنل سے قبل کپتانوں کا ٹرافی کے ساتھ روایتی فوٹو شوٹ نہیں ہو رہا۔
ٹورنامنٹ منتظمین نے اس بات کی تصدیق کی ہے کہ ہفتے کو کوئی فوٹو سیشن نہیں ہوگا، البتہ اتوار کو فائنل سے قبل اس حوالے سے حتمی فیصلہ کیا جائے گا۔ ذرائع کے مطابق بھارتی ٹیم نے پاکستان کے خلاف دو میچز میں ہاتھ ملانے سے گریز کیا تھا، اسی وجہ سے فائنل میں بھی ٹرافی کے ساتھ مشترکہ تصاویر بنوانے کے امکانات نہ ہونے کے برابر ہیں۔
دوسری جانب پاکستان کرکٹ ٹیم کے کپتان سلمان علی آغا آج (ہفتہ) پاکستانی وقت کے مطابق رات 7 بجے پریس کانفرنس کریں گے۔ اس کے علاوہ قومی ٹیم دبئی میں واقع آئی سی سی اکیڈمی میں پاکستانی وقت کے مطابق رات 7 سے 10 بجے تک فائنل سے قبل پریکٹس سیشن میں حصہ لے گی۔
.jpeg)
