حکومت پاکستان نے ملک میں انٹرنیٹ کی رفتار اور معیار بہتر بنانے کے لیے اہم اقدام اٹھایا ہے۔ وزارت انفارمیشن ٹیکنالوجی و ٹیلی کمیونیکیشن نے قومی اسمبلی کی قائمہ کمیٹی برائے آئی ٹی کو آگاہ کیا کہ آئندہ 12 سے 18 ماہ میں پاکستان کو 3 نئی سب میرین کیبلز کے ذریعے عالمی نیٹ ورک سے منسلک کیا جائے گا۔
وزارتی حکام کے مطابق یہ کیبلز پاکستان کو براہِ راست یورپ سے جوڑیں گی، جس سے موجودہ محدود راستوں پر انحصار کم ہوگا اور انٹرنیٹ انفرااسٹرکچر مزید مضبوط ہوگا۔
اس اقدام سے نہ صرف بین الاقوامی کنیکٹیویٹی میں بہتری آئے گی بلکہ آن لائن خدمات میں رفتار اور معیار بھی بہتر ہوگا۔
سیکرٹری آئی ٹی زرار ہاشم خان کا کہنا تھا کہ نئے منصوبوں سے بینڈوڈتھ کی گنجائش میں اضافہ ہوگا اور صارفین کو زیادہ مستحکم اور تیز رفتار انٹرنیٹ سروس فراہم کی جا سکے گی۔
کمیٹی کے رکن صادق میمن نے حالیہ انٹرنیٹ سست روی پر سوال اٹھایا، جس پر وزارت آئی ٹی نے یقین دہانی کرائی کہ نئے سب میرین کیبلز کی تنصیب کے بعد طویل المدتی مسائل حل ہو جائیں گے۔
.jpeg)
.jpeg)
