فیڈرل انویسٹی گیشن ایجنسی (ایف آئی اے) امیگریشن نے طورخم بارڈر پر کارروائی کرتے ہوئے افغان پاسپور سمگل کرنے کی کوشش ناکام بنا دی۔
ایف آئی اے ترجمان کے مطابق کارروائی کے دوران افغان شہری سبحان اللہ کو رنگے ہاتھوں گرفتار کیا گیا، جس سے 25 افغان پاسپورٹس برآمد ہوئے۔ پاسپورٹس کولڈ ڈرنکس کے کین میں چھپائے گئے تھے، جبکہ ان پر تاجکستان کے ویزے لگے ہوئے تھے۔
ترجمان کے مطابق گرفتار ملزم کا تعلق افغانستان کے شہر جلال آباد سے ہے، جسے ابتدائی کارروائی کے بعد اینٹی ہیومن ٹریفکنگ سرکل پشاور منتقل کر دیا گیا ہے۔
ایف آئی اے کے مطابق ملزم سے مزید تفتیش جاری ہے۔
.jpg)
