پاکستان کرکٹ بورڈ نے آئی سی سی انڈر 19 ورلڈ کپ اور تین ملکی سیریز کے لیے قومی انڈر 19 سکواڈ کا اعلان کر دیا ہے۔

پی سی بی کے مطابق فرحان یوسف پاکستان انڈر 19 ٹیم کی قیادت جاری رکھیں گے، جبکہ سکواڈ میں ایک تبدیلی کی گئی ہے جس کے تحت عمر زیب کو محمد حذیفہ کی جگہ ٹیم میں شامل کیا گیا ہے۔

اعلان کردہ سکواڈ میں عثمان خان، عبدالسبحان، احمد حسین، علی حسن بلوچ، علی رضا، دانیال علی خان، حمزہ ظہور، حذیفہ احسن، عمر زیب، مومن قمر، محمد صیّام، محمد شایان، نقاب شفیق اور سمیر منہاس شامل ہیں۔

تین ملکی سیریز 25 دسمبر سے 6 جنوری تک زمبابوے میں کھیلی جائے گی، جس میں پاکستان، افغانستان اور میزبان زمبابوے کی ٹیمیں حصہ لیں گی۔ پاکستان انڈر 19 ٹیم اس سیریز میں کم از کم چار میچز کھیلے گی جبکہ فائنل 6 جنوری کو ہوگا۔

آئی سی سی انڈر 19 ورلڈ کپ 15 جنوری سے 6 فروری تک نمیبیا اور زمبابوے میں منعقد کیا جائے گا۔