ٹی این این اردو - TNN URDU Logo
ملائیشیا : ٹریفک حادثات میں مردان کے دو نوجوان جاں بحق Home / بین الاقوامی,خیبر پختونخوا /

ملائیشیا : ٹریفک حادثات میں مردان کے دو نوجوان جاں بحق

سپر ایڈمن - 28/11/2025 176
ملائیشیا  : ٹریفک حادثات میں مردان کے دو  نوجوان جاں بحق

ملائیشیا  میں ہونے والے دو مختلف ٹریفک حادثات میں خیبر پختونخوا کے ضلع مردان کی تحصیل رستم سے تعلق رکھنے والے دو نوجوان جان کی بازی ہار گئے۔ ضروری قانونی کارروائی کے بعد دونوں کی میتیں وطن پہنچا دی گئیں اور مرکزی عیدگاہ رستم میں ان کی نماز جنازہ ادا کر دی گئی۔

 

تفصیلات کے مطابق تحصیل رستم محلہ گلبہار کے رہائشی محمد فاروق اور حاجی آباد رستم کے محمد کاشف ملیشیا میں علیحدہ علیحدہ حادثات کا شکار ہوئے۔ محمد کاشف کا حادثہ کولالمپور میں پیش آیا جبکہ محمد فاروق بنتالو شہر میں ٹریفک حادثے میں جاں بحق ہوئے۔

 

گزشتہ روز میتیں پاکستان پہنچائی گئیں۔ کاشف کی نمازِ جنازہ رات 10 بج کر 30 منٹ پر ادا کی گئی جبکہ فاروق کی نماز جنازہ آج صبح 10 بجے مرکزی عیدگاہ رستم میں ادا ہوئی۔ نماز جنازہ کے دوران ہر آنکھ اشکبار دکھائی دی۔

 

یاد رہے کہ مرحومین روزگار کی غرض سے ملائیشیا میں مقیم تھے۔

تازہ ترین