ڈی جی آئی ایس پی آر احمد شریف نے غلام اسحاق خان انسٹیٹیوٹ آف انجینئرنگ سائنسز اینڈ ٹیکنالوجی کا دورہ کیا جہاں انہوں نے طلبہ و اساتذہ سے ملک کی موجودہ سیکیورٹی صورتحال، پاک افغان سرحدی حالات اور سوشل میڈیا کے کردار پر تفصیلی بات چیت کی۔
اس موقع پر ڈی جی آئی ایس پی آر نے کہا کہ پاکستان نے افغانستان میں موجود خوارج کے خلاف مؤثر اقدامات کئے ہیں اور آئندہ بھی پاک فوج ہر دشمن کی جارحیت کے خلاف سیسہ پلائی دیوار ثابت ہوگی۔
انہوں نے نوجوانوں کو مخاطب کرتے ہوئے کہا کہ قوم کا مستقبل نوجوانوں سے جڑا ہے، ملکی ترقی و خوشحالی میں نوجوان نسل کا کردار کلیدی حیثیت رکھتا ہے۔
تقریب کے دوران طلبہ اور اساتذہ نے پاک فوج کے شہداء اور غازیوں کو زبردست خراج تحسین پیش کیا۔ طلبہ کا کہنا تھا کہ ایسی بامقصد نشستیں تسلسل کے ساتھ منعقد کی جانی چاہئیں تاکہ معاشرے میں موجود ڈس انفارمیشن اور پروپیگنڈے کا خاتمہ ہو سکے۔
طلبہ نے کہا کہ قوم امن کی کاوشوں اور ملکی ترقی میں پاک فوج کے کردار کو قدر کی نگاہ سے دیکھتی ہے۔ ان کا کہنا تھا کہ پاک فوج نے دشمن کو بھرپور اور فیصلہ کن جواب دیا ہے جس پر ہمیں فخر ہے۔
طلبہ نے اس موقع پر بتایا کہ ڈی جی آئی ایس پی آر نے سوالات کے تفصیلی جوابات دیے، جس سے ذہنوں میں موجود ابہام دور ہوگئے۔
