پاکستان کرکٹ بورڈ (پی سی بی) نے جنوبی افریقہ، سری لنکا اور تین ملکی ٹی ٹوئنٹی سیریز کے لیے قومی ٹیموں کا اعلان کردیا ہے۔ ٹی ٹوئنٹی کے لیے 15 رکنی جبکہ ون ڈے کے لیے 16 رکنی سکواڈ تشکیل دیا گیا ہے۔
پی سی بی کے مطابق ٹی ٹوئنٹی سکواڈ کی قیادت سلمان علی آغا کریں گے جبکہ ون ڈے ٹیم کے کپتان شاہین شاہ آفریدی ہوں گے۔ نوجوان کھلاڑی عثمان طارق کو پہلی بار ٹی ٹوئنٹی سکواڈ میں شامل کیا گیا ہے جبکہ عبدالصمد، بابر اعظم اور نسیم شاہ کی ٹی ٹوئنٹی ٹیم میں واپسی ہوئی ہے۔
ٹی ٹوئنٹی سکواڈ میں سلمان علی آغا (کپتان)، عبدالصمد، ابرار احمد، بابر اعظم، فہیم اشرف، حسن نواز، محمد نواز، محمد وسیم جونیئر، محمد سلمان مرزا، نسیم شاہ، صاحبزادہ فرحان (وکٹ کیپر)، صائم ایوب، شاہین شاہ آفریدی، عثمان خان (وکٹ کیپر) اور عثمان طارق۔ ریزرو کھلاڑیوں میں فخر زمان، حارث رؤف، سفیان مقیم شامل ہیں۔
ون ڈے سکواڈ میں شاہین شاہ آفریدی (کپتان)، ابرار احمد، بابر اعظم، فہیم اشرف، فیصل اکرم، فخر زمان، حارث رؤف، حسیب اللہ، حسن نواز، حسین طلعت، محمد نواز، محمد رضوان (وکٹ کیپر)، محمد وسیم جونیئر، نسیم شاہ، صائم ایوب اور سلمان علی آغا شامل ہیں۔
شیڈول کے مطابق پاکستان اور جنوبی افریقہ کے درمیان ٹی ٹوئنٹی سیریز 28 اکتوبر سے یکم نومبر تک کھیلی جائے گی، جبکہ ون ڈے سیریز فیصل آباد میں 4 سے 8 نومبر تک جاری رہے گی۔
اس کے بعد پاکستان اور سری لنکا کے درمیان ون ڈے سیریز 11 سے 15 نومبر تک راولپنڈی میں شیڈول ہے۔
جبکہ تین ملکی ٹی ٹوئنٹی سیریز (پاکستان، سری لنکا، زمبابوے) 17 سے 29 نومبر تک راولپنڈی اور لاہور میں کھیلی جائے گی۔
