حکومتِ پاکستان نے باجوڑ سے تعلق رکھنے والے شہید ریحان زیب خان کو حکومت پاکستان کی جانب سے ملک کے اعلیٰ سول اعزاز “ستارۂ امتیاز” سے نواز دیا گیا۔ یہ اعزاز قبائلی علاقوں کے محروم اور پسماندہ طبقات کے لیے اُن کی خدمات کے اعتراف کے طور پر دیا گیا۔
شہید ریحان زیب خان نے تعلیم کے فروغ، امن کے قیام اور معاشرتی بہتری کے لیے عملی جدوجہد کی۔ اُن کی خدمات کو علاقائی سطح پر قدر کی نگاہ سے دیکھا جاتا رہا۔
ایم این اے اور معاونِ خصوصی وزیراعظم پاکستان مبارک زیب خان نے کہا کہ شہید ریحان زیب خان کو دیا جانے والا یہ اعزاز محض ایک تمغہ نہیں بلکہ اُن کی بے لوث خدمات کا قومی اعتراف ہے۔
انہوں نے صدرِ پاکستان اور وزیراعظمِ پاکستان کا شکریہ ادا کرتے ہوئے کہا کہ یہ اعزاز اس عزم کی یاد دہانی ہے کہ شہید کے مشن کو جاری رکھا جائے گا اور اُن کے خواب کو حقیقت میں بدلنا ہم سب کی مشترکہ ذمہ داری ہے۔
