ضلع کرم میں سیکیورٹی فورسز نے پاک افغان سرحد پر مسلح افراد کی پاکستان میں داخل ہونے کی کوشش ناکام بنا دی۔
مقامی ذرائع کے مطابق سرحدی علاقے میں مشتبہ نقل و حرکت نظر آنے پر فورسز نے بھاری اور ہلکے ہتھیاروں سے فوری کارروائی کی، جس کے بعد درانداز گھبرا کر افغانستان کی جانب فرار ہو گئے۔ فورسز کے بروقت اقدام سے ممکنہ سیکیورٹی خطرہ ٹل گیا۔
ڈی جی آئی ایس پی آر نے آج سینئر صحافیوں سے گفتگو میں کہا کہ افغان فورسز بعض مواقع پر شدت پسندوں اور اسمگلروں کو فائر کور فراہم کرتی ہیں، اور پاکستانی چوکیوں پر فائرنگ کر کے توجہ ہٹانے کی کوشش کی جاتی ہے تاکہ غیر قانونی عناصر سرحد عبور کر سکیں۔
ذرائع کے مطابق گزشتہ کئی روز سے کرم کی سرحدی پٹی پر غیر معمولی سرگرمیاں نوٹ کی جا رہی تھیں، تاہم پاکستانی سیکیورٹی اور انٹیلیجنس ادارے صورتحال پر مسلسل اور مکمل نظر رکھے ہوئے ہیں۔
سرحدی حکام نے واضح کیا ہے کہ کسی بھی مسلح کارروائی یا مہم جوئی کا سخت اور فوری جواب دیا جائے گا، اور پاکستان اپنی سرحد کے تحفظ کے لیے تمام ضروری اقدامات جاری رکھے گا۔
.jpeg)
.jpeg)
.jpeg)
