وزیراعلیٰ خیبر پختونخوا سہیل آفریدی نے بانی پی ٹی آئی کی بہنوں پر پنجاب پولیس کے مبینہ تشدد کی سخت مذمت کرتے ہوئے کہا ہے کہ خواتین پر تشدد کسی صورت قابلِ قبول نہیں۔ انہوں نے عمران خان کی اہلیہ بشریٰ بی بی کے خلاف الزامات کو بھی افسوسناک قرار دیا۔
سہیل آفریدی نے صوبائی وزیر مینا خان پر مبینہ تشدد اور ایم این اے شاہد خٹک سمیت دیگر اراکین اسمبلی کی ممکنہ گرفتاریوں کی بھی مذمت کی۔ ان کا کہنا تھا کہ ملک میں جمہوریت، آئین اور قانون کا عملاً جنازہ نکال دیا گیا ہے۔
وزیراعلیٰ نے کہا کہ حالات کو خطرناک سمت میں دھکیلا جا رہا ہے، اور اگر یہی صورتحال برقرار رہی تو نہ کوئی ’’عورت کارڈ‘‘ چلے گا، نہ اخلاقی اقدار اور نہ ہی جمہوریت۔
ان کے مطابق معاملات کو اس حد تک پہنچا دیا گیا ہے جہاں سے واپسی تقریباً ناممکن دکھائی دیتی ہے۔
.jpeg)
