سیکیورٹی فورسز نے خیبرپختونخوا میں مختلف کارروائیوں کے دوران بھارتی حمایت یافتہ 15 خوارج کو ہلاک کر دیا ہے۔
پاک فوج کے شعبہ تعلقات عامہ (آئی ایس پی آر) کے مطابق یہ کارروائیاں 15 اور 16 نومبر کو ڈی آئی خان کے علاقے کلاچی اور شمالی وزیرستان کے علاقے دتہ خیل میں کی گئیں۔
آئی ایس پی آر نے بتایا کہ آپریشن الخوارج کے تحت دہشتگردوں کے ٹھکانوں کو نشانہ بنایا گیا، جس کے دوران پہلی کارروائی میں 10 اور دوسری میں 5 خوارج ہلاک ہوئے۔ کلاچی میں ہلاک ہونے والے دہشتگردوں میں سرغنہ عالم محسود بھی شامل ہے۔
پاک فوج کے مطابق علاقے میں بھارتی سرپرستی یافتہ خوارج کے خاتمے کے لیے کلیئرنس آپریشن جاری ہے اور غیر ملکی پشت پناہی یافتہ دہشتگردی کے مکمل خاتمے تک انسداد دہشتگردی کی مہم جاری رکھی جائے گی۔
.jpg)
.jpg)