نوشہرہ ، پبی کے نواحی علاقے بے نظیر گڑھی میں خواجہ سراء اور اس کے ساتھی کو فائرنگ کر کے قتل کر دیا گیا۔ پولیس کے مطابق دونوں مقتولین کی گولیوں سے چھلنی نعشیں برآمد ہوئیں۔
پولیس کا کہنا ہے کہ مقتول خواجہ سراء سلمان عرف خګلہ کو گزشتہ رات خیال محمد اپنے ساتھ لے گیا تھا۔ خواجہ سراء خګلے کے والد نور رحمان نے پولیس کو بیان دیتے ہوئے کہا کہ ان کا بیٹا رات کو مقتول خیال محمد کے ہمراہ گھر سے نکلا تھا۔
پولیس کے مطابق واقعے کی تفتیش جاری ہے اور مقتولین کے موبائل ڈیٹا سمیت دیگر شواہد حاصل کیے جا رہے ہیں تاکہ ملزمان تک پہنچا جا سکے۔
دونوں مقتولین کی نعشیں پوسٹ مارٹم کے لیے میاں راشد میموریل ہسپتال پبی منتقل کر دی گئی ہیں، ریسکیو 1122 نے کارروائی مکمل کی۔
