سرکاری ذرائع کے مطابق حکومت نے طورخم بارڈر کو کل بروز ہفتہ صبح 9 بجے سے صرف افغانستان واپس جانے والے افغان خاندانوں کے لیے عارضی طور پر کھولنے کا فیصلہ کیا ہے۔
ذرائع کا کہنا ہے کہ بارڈر پر تجارتی سرگرمیاں اور دونوں جانب عام پیدل آمد و رفت بدستور معطل رہے گی۔ اس اقدام کا مقصد صرف ان افغان شہریوں کی واپسی کو ممکن بنانا ہے جو پاکستان چھوڑ کر افغانستان جانا چاہتے ہیں۔
محکمہ کے مطابق اس حوالے سے زبانی احکامات موصول ہوئے ہیں، تاہم باضابطہ نوٹیفکیشن ابھی تک جاری نہیں ہوا۔ اس کے باوجود متعلقہ عملے کو کل صبح ڈیوٹی پر پہنچنے کی ہدایت کر دی گئی ہے۔
