پاکستان اور جنوبی افریقا کے درمیان پہلا ٹیسٹ 12 اکتوبر سے شروع ہوگا، جس کے لیے قومی ٹیم کی ممکنہ پلئینگ الیون کے نام سامنے آگئے ہیں۔ دونوں ٹیمیں آج دوپہر قذافی سٹیڈیم لاہور میں ٹریننگ سیشن کریں گی۔
ذرائع کے مطابق ٹیم مینجمنٹ نے پہلے ٹیسٹ کے لیے 2 فاسٹ بولرز اور 2 اسپنرز کے کمبی نیشن پر غور شروع کر دیا ہے۔ عبوری ہیڈ کوچ اظہر محمود اسپنر آصف آفریدی کی بولنگ سے متاثر ہیں اور ان کے ڈیبیو کے حق میں ہیں۔
ممکنہ کھلاڑیوں میں اوپنرز عبداللہ شفیق اور امام الحق کے ساتھ شان مسعود، بابر اعظم، سعود شکیل، محمد رضوان، سلمان علی آغا، اور ساجد خان کے نام شامل ہیں۔بولنگ لائن اپ کے لیے شاہین شاہ آفریدی، نعمان علی، اور خرم شہزاد کے ناموں پر غور جاری ہے۔
ذرائع کا کہنا ہے کہ حتمی الیون کا اعلان ٹیم مینجمنٹ ٹریننگ سیشن کے بعد کرے گی۔
.jpeg)
