ملک میں سونے کی قیمت بلند ترین سطح پر برقرار رہے ہے۔ بدھ کو مقامی اور عالمی مارکیٹ میں سونے اور چاندی کی قیمتوں میں کسی قسم کا ردوبدل ریکارڈ نہیں کیا گیا۔
آل پاکستان سرافہ جیمز اینڈ جیولرز ایسوسی ایشن کے مطابق، ملک میں 24 قیراط سونے کی فی تولہ قیمت بدستور 3 لاکھ 98 ہزار 800 روپے پر برقرار رہی، جبکہ 10 گرام سونے کی قیمت بھی 3 لاکھ 41 ہزار 906 روپے پر مستحکم رہی۔ اسی طرح 22 قیراط کے 10 گرام سونے کی قیمت 3 لاکھ 13 ہزار 425 روپے پر برقرار رہی۔
چاندی کی قیمتوں میں بھی کوئی تبدیلی نہیں ہوئی۔ فی تولہ چاندی 4 ہزار 637 روپے جبکہ 10 گرام 3 ہزار 975 روپے میں فروخت ہوئی۔
بین الاقوامی مارکیٹ میں بھی استحکام رہا جہاں سونے کی قیمت 3 ہزار 770 امریکی ڈالر فی اونس اور چاندی کی قیمت 44.10 ڈالر فی اونس پر مستحکم رہی۔
