صوبائی ڈیزاسٹر مینجمنٹ اتھارٹی (پی ڈی ایم اے) خیبر پختونخوا کی جانب سے باجوڑ کے بے گھر متاثرہ خاندانوں کی مالی معاونت کا سلسلہ جاری ہے۔
پی ڈی ایم اے کے مطابق اب تک 24 ہزار 640 متاثرہ خاندانوں کی رجسٹریشن مکمل ہوچکی ہے، جن میں سے 23 ہزار 232 خاندانوں کو فی خاندان 50 ہزار روپے کی رقم فراہم کی جاچکی ہے۔
اس مقصد کے لیے مجموعی طور پر ایک ارب 67 کروڑ 49 لاکھ روپے مختص کیے گئے تھے، جن میں سے ایک ارب 45 کروڑ 19 لاکھ 59 ہزار 685 روپے متاثرہ خاندانوں تک پہنچائے جاچکے ہیں۔
پی ڈی ایم اے نے اس عمل کو شفاف اور بروقت قرار دیتے ہوئے کہا ہے کہ متاثرہ خاندانوں کی بحالی اور معاونت کے لیے ہر ممکن اقدامات جاری رہیں گے تاکہ مشکلات کے شکار عوام کو سہولت فراہم کی جاسکے۔
