ٹک ٹاک لائیو پر غیر اخلاقی حرکات کے خلاف شہری نے پشاور ہائیکورٹ میں درخواست دائر کر دی۔
پشاور کے رہائشی ثاقب الرحمن نے ٹک ٹاک لائیو پر پشتو زبان میں ہونے والی غیر اخلاقی سرگرمیوں کے خلاف پشاور ہائیکورٹ میں باضابطہ درخواست جمع کرائی جس میں درخواست گزار نے موقف اختیار کیا کہ ویورشپ بڑھانے کے لیے ٹک ٹاک لائیو میں نازیبا حرکات، غیر گفتگو اور مواد شیئر کیا جاتا ہے۔
ان کے مطابق اس طرح کی گفتگو اور سرگرمیاں گھروں میں موجود خواتین اور بچوں پر شدید اثر انداز ہوتی ہیں۔ جو معاشرتی اقدار اور اخلاقیات کے منافی ہیں۔
درخواست میں مزید کہا گیا کہ ہمارا دین اور معاشرہ اس قسم کی غیر اخلاقی سرگرمیوں کی اجازت نہیں دیتا ہے۔ اس لیے عدالت سے استدعا کی گئی کہ ٹک ٹاک انتظامیہ اور اس نوعیت کا مواد شیئر کرنے والے ٹک ٹاکرز کے خلاف موثر کارروائی کی جائے۔
