پاکستان سپر لیگ (پی ایس ایل) سیزن فائیو کے بارہویں میچ میں ملتان سلطانز نے کوئٹہ گلیڈی ایٹرز کو 30 رنز سے شکست دے دی۔
ملتان میں کھیلے گئے پاکستان سپر لیگ کے 12ویں میچ میں ملتان سلطانز نے ریلی روسوو کی برق رفتار سنچری کی بدولت مقررہ اوورز میں 199 رنز سکور کیے جس کے جواب میں کوئٹہ گلیڈی ایٹرز کی ٹیم 175 رنز بنا سکی۔
اس سے قبل میچ کا ٹاس ملتان سلطانز کے کپتان شان مسعود نے جیت کر پہلے خود بیٹنگ کرنے کا فیصلہ کیا، ذیشان اشرف اور جیمز ونس نے اننگز کا آغاز کیا، ذیشان صرف 8 رنز بنانے کے بعد پویلین واپس لوٹ گئے جس کے بعد معین علی بھی صرف 6 رنز ہی بناسکے اور آؤٹ ہوگئے۔
جیمز ونس نے 29 رنز کی اننگز کھیلی جس کے بعد کپتان شان مسعود نے ریلی روسو کے ساتھ ملکر کوئٹہ گلیڈی ایٹرز کے بولرز کی خوب درگت بنائی اور گراؤنڈ کے چاروں اطراف شاندار اسٹروکس کھییلے اور دونوں نے 139 رنز کی زبردست شراکت قائم کیا جس سے وہ کوئٹہ کو بڑا ہدف دینے میں کامیاب رہے۔
شان مسعود 4 رنز کی کمی سے اپنی نصف سنچری مکمل نہ کرسکے اور 46 رنز پر آؤٹ ہوگئے تاہم ریلی روسوو نے پہلے 23 گیندوں پر اپنی نصف سنچری مکمل کی اور پھر مخالف بولروں کو خوب پریشان کیے رکھا، روسوو نے پی ایس ایل کی تاریخ کی تیز ترین سنچری اسکور کی انہوں نے پانچویں سیزن کی دوسری سنچری صرف 43 گیندوں پر بنائی ، یوں انہوں نے مجموعی طور پر پی ایس ایل میں ساتویں سنچری سکور کی۔
People who thought the second half of the film Parasite had a big twist should see this innings!
Rossouw was spectacular. @TeamQuetta could do little against him.#MSvQG #HBLPSLV pic.twitter.com/bkIzDOMv7W
— PakistanSuperLeague (@thePSLt20) February 29, 2020
ملتان کی جانب سے روسو نے پی اسی ایل کی تیز ترین سنچری سکور کی، وہ 100 رنز بنا کر ناٹ آؤٹ رہے اور شان مسعود نے 32 گیندوں پر 46 رنز کی اننگ کھیلی، جبکہ جیمس وینس نے 29 رنز بنائے۔
یوں ملتان سلطانز نے مقررہ 20 اوورز میں 5 وکٹوں کے نقصان پر 199 رنز بنائے۔
کوئٹہ گلیڈی ایٹرز کی جانب سے شین واٹسن اور جیسن روئے نے ٹیم کو جارحانہ آغاز فراہم کیا، روئے 30 رنز بنانے کے بعد پویلین واپس لوٹ گئے جس کے بعد احمد شہزاد کی جگہ ٹیم میں شامل ہونے والے احسن علی 14 رنز بنانے میں کامیاب رہے جب کہ اعظم خان صر 6 رنز کے مہمان ثابت ہوئے۔
STAT ALERT
Not only was that the fastest PSL century, only 5 batsmen in PSL history have made a 50+ score at a quicker rate than Rilee Roussow's 100 off 44 balls #HBLPSLV #MSvQG pic.twitter.com/p7w4JwT9ls
— PakistanSuperLeague (@thePSLt20) February 29, 2020
دوسری جانب شین واٹسن نے اپنی جارحانہ اننگز جاری رکھتے ہوئے نصف سنچری اسکور کی اور وہ 41 گیندوں پر 80 رنز کی اننگز کھیل کر آؤٹ ہوئے جس میں 7 چھکے اور 7 چوکے شامل تھے۔ واٹسن کے علاوہ کوئی بھی کھلاڑی بڑی اننگز کھیلنے میں کامیاب نہ ہوسکا۔
آل راؤنڈر بین کٹنگ 12 اور انور علی 14 رنز بنانے کے بعد بلاول بھٹی کا شکار بنے۔ ملتان سلطانز کی جانب سے بلاول بھٹی نے 3، عمران طاہر نے 2 اور اور خوشدل شاہ نے ایک وکٹ حاصل کی۔
