محکمہ موسمیات خیبرپختونخوا کے مطابق آج صوبے کے بیشتر اضلاع میں موسم گرم رہنے کا امکان ہے، جبکہ مختلف علاقوں میں تیز ہواؤں، آندھی، گرج چمک اور بارش کی پیشگوئی کی گئی ہے۔

محکمہ موسمیات کے مطابق اپر و لوئر دیر، اپر و لوئر چترال، سوات، شانگلہ، مالاکنڈ، بونیر، باجوڑ، اپر و لوئر کوہستان، کولائی پالس، تورغر، بٹگرام، مانسہرہ، ایبٹ آباد، ہری پور، مردان، صوابی، مہمند، خیبر، پشاور، نوشہرہ، چارسدہ، کوہاٹ، کرک، ہنگو، کرم، اورکزئی، بنوں، لکی مروت، ڈیرہ اسماعیل خان، ٹانک، شمالی اور جنوبی وزیرستان میں کہیں کہیں تیز ہواؤں، آندھی اور گرج چمک کے ساتھ بارش کا امکان ہے۔

یہ بھی پڑھیے: سونے کی قیمت میں دوسرے روز بھی بڑا اضافہ، فی تولہ کتنے کا ہوگیا؟

محکمہ موسمیات نے بعض علاقوں میں موسلا دھار بارش اور اولے پڑنے کی بھی پیشگوئی کی ہے۔

دوسری جانب گزشتہ 24 گھنٹوں کے دوران صوبے کے بیشتر اضلاع میں موسم گرم رہا، تاہم اپر چترال، لوئر چترال، سوات، اپر دیر، مردان، نوشہرہ، باجوڑ، مہمند، پشاور، خیبر اور ڈیرہ اسماعیل خان کے مختلف علاقوں میں تیز ہواؤں اور گرج چمک کے ساتھ بارش ریکارڈ کی گئی۔