خیبرپختونخوا میں آٹا بحران ایک بار پھر شدت اختیار کرنے لگا

خیبرپختونخوا میں آٹا بحران ایک بار پھر شدت اختیار کرنے لگا،آٹے کی20 کلو تھیلے کی قیمت میں 300اور85 کلو کی بوری کی قیمت میں900روپے تک اضافہ ہوگیا۔
خیبرپختونخوا میں آٹے کا بحران ایک بار پھر سر اٹھانے لگا،آٹے کا20 کلو تھیلا800 سے بڑھ کر 1100 جبکہ 85 کلو کی بوری4100 سے بڑھ کر 5000 تک فروخت ہونے لگی۔
آٹا ڈیلرز کے مطابق پنجاب میں مل مالکان آٹا خیبرپختونخوا کو کوٹے کے مطابق نہیں سپلائی کررہے۔
دوسری جانب سپلائی کے مقامات پر غیرقانونی چیک پوسٹیں قائم کی گئی ہیں جہاں بھتہ وصول کیا جاتا ہے۔
شہریوں نے آٹا مہنگا ہونے کا زمہ دار حکومت کو ٹھرایا،شہریوں کی مطابق حکومت کچھ بھی مینج نہیں کر سک رہی جس کی وجہ سے ہر طرف مہنگائی کا جن بےقابو ہے۔
دکانداروں کے مطابق اگر یہی صورتحال رہی تو اگلے چند دن میں آٹے کی قیمت میں مزید اضافہ ہوسکتا ہے۔

یاد رہے کہ رواں سال کے آغاز میں بھی خیبرپختونخوا میں آٹے کا بحران سامنے آیا تھا جس کے بعد نان بائیوں نے ہڑتال بھی کی تھی۔ 

Show More

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button