4 بہترین بیٹیوں کے بعد اللہ نے مجھے پانچویں بیٹی سے نوازا ہے: شاہد آفریدی
پاکستان کے سٹار آل راؤنڈر شاہد خان آفریدی کے ہاں 5 ویں بیٹی کی ولادت ہوئی ہے۔ شاہد آفریدی نے بیٹی کی پیدائش کا اعلان ٹوئٹر پر اپنی پوسٹ میں کیا۔ انہوں نے اپنی چاروں بیٹیوں کے ہمراہ نوزائیدہ بیٹی کو گود میں اٹھائے اپنی تصویر مداحوں سے شیئر کی۔
شاہد آفریدی کا اپنی ٹوئٹ میں کہنا تھا کہ ’اللہ تعالی کی لاتعداد رحمتوں کا سلسلہ جاری ہے، 4 بہترین بیٹیوں کے بعد اللہ نے مجھے پانچویں بیٹی سے نوازا ہے، شکر الحمد اللہ، میں یہ خوشخبری اپنے چاہنے والوں سے شیئر کررہا ہوں‘۔
The Almighty’s infinite blessings & mercy are upon me…already having been granted 4 wonderful daughters I have now been blessed with a 5th, Alhamdulillah. Sharing this good news with my well-wishers… #FourbecomeFive pic.twitter.com/Yb4ikjghGC
— Shahid Afridi (@SAfridiOfficial) February 14, 2020
شاہد آفریدی کی اس ٹوئٹ کے بعد مداحوں کی جانب سے مبارکباد اور تہنیتی پیغامات کا نہ رکنے والا سلسلہ شروع ہوگیا۔ سابق کپتان کرکٹ سے ریٹائرمنٹ اختیار کرچکے ہیں لیکن اس کے باوجود ان کے مداحوں کی تعداد پہلے کی طرح برقرار ہے۔
خیال رہے کہ سابق کپتان اپنی بیٹیوں سے بہت زیادہ محبت کرتے ہیں اور ان کی سب سے بڑی بیٹی اقصیٰ ہیں جبکہ دیگر بیٹیوں کے نام انشا، عجوا اور اسمارا ہیں۔
