بلوچستان کے پہلے وزیراعلیٰ سردار عطاء اللہ مینگل انتقال کر گئے

یاد رہے کہ سردار عطاء اللہ خان مینگل جو عام طور پر عطاء اللہ مینگل کے نام سے معروف ہیں بلوچستان کے علاقے وڈھ سے تعلق رکھنے والے ممتاز سیاست دان و قبائلی رہنما ہیں، وہ بلوچستان کے سب سے پہلے وزیراعلیٰ تھے اور یہ منصب 1 مئی 1972ء سے 12 مئی 1973ء سنبھالا۔ وہ مینگل قبیلے کے سربراہ تھے۔

اُدھر چیئرمین سینیٹ صادق سنجرانی نے عطاء اللہ مینگل کے انتقال پر افسوس کا اظہار کیا ہے اور کہا ہے کہ ان کی سیاسی و سماجی خدمات کو ہمیشہ یاد رکھا جائے گا۔

اِدھر عوامی نیشنل پارٹی کے مرکزی صدر اسفندیار ولی خان نے بلوچستان کے سابق وزیر اعلی سردار عطا اللہ مینگل کی وفات پر گہرے دکھ اور افسوس کا اظہار کرتے ہوئے کہا کہ ان کی وفات ملکی سیاست بالخصوص بلوچستان کے عوام کے کے لئے ایک بڑا سانحہ اور صدمہ ہے، ”عطا اللہ مینگل ایک وضع دار، جمہوریت پسند اور عوام دوست سیاسی رہنماء تھے۔ جمہوریت کی بحالی، آئین کی حکمرانی اور پارلیمنٹ کی بالادستی کے لئے ان کی جدوجہد کو ہمیشہ یاد رکھا جائے گا، اپنی سیاسی زندگی میں مرحوم  نے قید و بند کی صعوبتیں برداشت کیں لیکن آمریت کے خلاف اور جمہوریت کے حق میں ڈٹ کر کھڑے رہے۔

ولی باغ چارسدہ سے جاری اپنے بیان میں اسفندیار ولی خان نے کہا کہ پاکستان کی سیاست میں مرحوم عطا اللہ مینگل کی کمی ہمیشہ محسوس کی جائے گی، ”دکھ کی اس گھڑی میں اے این پی غمزدہ خاندان کے ساتھ برابر شریک ہے، اللہ تعالی مرحوم کو جنت میں جگہ اور پسماندگان کو صبر جمیل عطا کرے۔”

دوسری جانب وزیراعلیٰ سندھ سید مراد علی شاہ نے بھی سینئر سیاست دان عطا اللہ مینگل کے انتقال پر گہرے دکھ کا اظہار کیا اور کہا کہ عطااللہ مینگل نے ہمیشہ بلوچستان کے غریب عوام کے حقوق کی ہمیشہ بات کی، اللہ پاک مرحوم کو جنت الفردوس میں اعلیٰ مقام عطا فرمائے۔