پشاور، کورونا کے باعث ایک اور مسیحا خالق حقیقی سے جا ملا جس کے بعد صوبے میں کورونا سے شہید ہونے والے ڈاکٹروں کی تعداد 49 ہو گئی۔
پراونشل ڈاکٹرز ایسوسی ایشن (پی ڈی اے) کے مطابق ڈاکٹر جان محمد کورونا سے شہید ہو گئے ہیں، ڈاکٹر جان محمد سابقہ انچارج پتھالوجی لیب اور سابقہ ایم ایس ایوب میڈیکل کمپلیکس تھے۔
ہی ڈی اے کے مطابق کورونا وائرس کے باعث او ایف ہسپتال واہ میں زیر علاج تھے، مرحوم کی نماز جنازہ ایبٹ آباد میں رات دس بجے ادا کی جائے گی۔
یاد رہے کہ اس سے قبل 10 مارچ کو ڈی ایچ کیو ہسپتال چارسدہ کے ڈاکٹر عزت خان کورونا وائرس کی وجہ سے انتقال کر گئے تھے۔
یہ بھی واضح رہے کہ ملک بھر میں کورونا وائرس کی تیسری لہر کے پھیلاؤ میں شدت آ گئی ہے، 24 گھنٹے کے دوران کورونا ٹیسٹ مثبت آنے کی شرح 9 فیصد سے تجاوز کر گئی ہے جبکہ کورونا وائرس سے ایک ہی دن میں مزید 42 افراد چل بسے۔
