چکدہ کے علاقہ خادگزئی میں بارات میں شامل گاڑی بریک فیل ہونے کے باعث گہری کھائی میں گرنے سے 3 خواتین جاں بحق جبکہ بچوں اور خواتین سمیت 18 افراد زخمی ہوگئے جنہیں طبی امداد کیلئے ہسپتال منتقل کردیا گیا ہے۔
پولیس کے مطابق خادگزئی باڈوان میں بارات کی گاڑی پک اپ ڈاٹسن چڑھائی سے اترتے وقت اچانک بریک فیل ہونے کی وجہ سے گہری کھائی میں جاگرا جس کے نتیجے میں مسماۃ گلفام بی بی، مسماۃ عزرا بی بی اور جویریہ بی بی موقع پر ہی جاں بحق جبکہ ضیاء الرحمان ، عروبہ بی بی ، صالحہ ،مہر اقراء ، مدیحہ بی بی ، اسد خان ، حمرا بی بی ،شبانہ بی بی ، یوسرا بی بی ، رضیہ بی بی ، مسرت بی بی ، حبیبہ بی بی ، سیما بی بی ، مدیحہ بی بی ،وریشہ بی بی ، گل رخ بی بی ، ندا بی بی اور شفاء بی بی زخمی ہوگئی جنہیں طبی امداد کیلئے ہسپتال منتقل کردیا گیا ہے۔
یہ بھی پڑھیں:
کچے مکان کی چھت گرنے سے نانی نواسی جاں بحق
محکمہ ریلیف خیبرپختونخوا کے مطابق امدادی کارروائیوں میں مقامی افراد نے بھی حصہ لیا جبکہ مذکورہ زخمیوں کے علاوہ دو افراد کو تشویشناک حالت میں طبی امداد کیلئے پشاور منتقل کردیا گیا ہے۔
