ضلع کرم میں طوفانی بارش سے کچے مکان کی چھت گرنے کے باعث جوان سال لڑکی جاں بحق ہوگئی صدہ بازار کے قریب بکر امنڈی پر سیلابی ریلا آنے سے سینکڑوں مال مویشی سیلابی پانی میں پھنس گئی۔
ضلع کرم کے مختلف علاقوں میں گزشتہ تین روز سے وقفے وقفے سے بارشوں کا سلسلہ جاری ہے لوئیر کرم کے علاقے یعقوبی سید نثار نامی شخص کے کچے مکان کی چھت گرگئی جس کے ملبے تلے دب کر سید نثار کی جوان سال بیٹی دم توڑ گئی۔
شدید بارشوں کے باعث دریائے کرم اور دیگر بارانی ندی نالوں میں بھی تعیانی آگئی اور صدہ بازار کے قریب باران ندی میں عارضی طور پر قائم کی جانی والی بکرا منڈی بھی سیلابی ریلے کی زد میں آگئی تاہم ریسکیو ون ون ٹوٹو کے اہلکاروں نے مال مویشی اور دیگر لوگوں کو بچا لیا۔
