شمالی وزیرستان کے تحصیل میرعلی میں چچا زاد بھائیوں کے درمیان زمین کے تنازعہ پر فائرنگ کے نتیجے میں 4 افراد جاں بحق ہوگئے۔
فائرنگ کا واقعہ گاؤں موسکی میں پیش آیا ہے جس کے نتیجے میں چار افراد جاں بحق اور ایک زخمی ہوگیا۔
جاں بحق افراد میں تحسین اللہ، سمیع اللہ، سمیع الحق اور ہلال شامل ہیں، جاں بحق اور زخمی افراد آپس میں چچا زاد ہیں۔
جاں بحق اور زخمی افراد ملک داؤد موسکی کے خاندان سے تعلق رکھتے ہیں۔ لاشوں اور زخمی شخص کو قریبی ہسپتال منتقل کردیا گیا ہے جبکہ پولیس نے تفتیش شروع کردی ہے۔
