پاکستان سپر لیگ 5 کے چھٹے میچ میں کوئٹہ گلیڈی ایٹرز نے کراچی کنگز کو 5 وکٹ سے شکست دے دی۔
کراچی کے نیشنل سٹیڈیم میں کھیلے گئے میچ میں کراچی کنگز نے ٹاس جیت کر پہلے بیٹنگ کا فیصلہ کیا تو بابراعظم اور شرجیل خان نے اننگز کا آغاز کیا تاہم شرجیل صرف 6 رنز کے مہمان ثابت ہوئے، بابراعظم 26 رنز بنانے کے بعد پویلین لوٹے جب کہ پی ایس ایل کے اس سیزن میں اپنا پہلا میچ کھیلنے والے الیکس ہیلز 29 رنز بنانے کے بعد آؤٹ ہوئے۔
کیمرون ڈیلپورٹ 22 رنز کی اننگز کھیلنے کے بعد پویلین واپس لوٹے، چاڈوک والٹن بدقسمتی سے ایک رنز بنانے کے بعد رن آؤٹ ہوگئے، کپتان عماد وسیم بھی 8 رنز ہی بناسکے، کرس جورڈن نے 14 رنز بناکر آؤٹ ہوئے جب کہ افتخار احمد 25 رنز بنانے میں کامیاب رہے۔
کوئٹہ گلیڈی ایٹرز کی جانب سے محمد حسنین نے 3، ٹائمل ملز نے 2 جب کہ سہیل خان اور محمد نواز نے ایک ایک وکٹ حاصل کی۔
Karachi are you ready?
The NSK kicks us off today with @KarachiKingsARY facing @TeamQuetta.
The big news is that teen sensation Naseem Shah will be debuting for the Gladiators. Wish him luck!#KKvQG #HBLPSLV pic.twitter.com/r6sPnJAFuV
— PakistanSuperLeague (@thePSLt20) February 23, 2020
کراچی کنگز کی ٹیم مقررہ 20 اوورز میں 156 رنز بنا سکی جس کے جواب میں کوئٹہ گلیڈی ایٹرز کی جانب سے شین واٹسن اور جیسن روئے نے اننگز کا آغاز کیا لیکن دونوں ہی بدقسمتی سے رن آؤٹ ہوگئے، واٹسن 27 اور روئے 17 رنز بنانے کے بعد آؤٹ ہوئے۔
SO MUCH LOVE
Huge shout out to the fantastic crowd in Karachi today! #KKvQG #HBLPSLV pic.twitter.com/doReUuh7E5
— PakistanSuperLeague (@thePSLt20) February 23, 2020
بعدازاں احمد شہزاد کے 11 رنز پر آؤٹ ہونے کے بعد کوئٹہ کی مشکلات میں اضافہ ہوا تاہم کپتان سرفراز احمد نے معین خان کے بیٹے اعظم خان کے ساتھ ملکر ذمہ داری سے سکور بورڈ کو آگے بڑھایا، اعظم خان بھی رن آؤٹ ہوئے، وہ 30 گیندوں پر 46 رنز بنانے کے بعد آؤٹ ہوئے جس میں 2 چھکے اور 4 چوکے شامل تھے۔
اگلے ہی اوور میں کرس جارڈن نے پہلی گیند پر نواز کو بھی کیچ آؤٹ کر دیا مگر ٹیم میں دوبارہ شامل کئے گئے آل راؤنڈر انور علی نے اوور کی آخری چار گیندوں پر 12 رنز بنا کر میچ ختم کر دیا، کپتان سرفراز احمد 37 رنز کے ساتھ ناقابل شکست رہے۔
دوسری جانب لاہور میں جاری پی ایس ایل کے ساتویں میچ میں لاہور قلندرز نے اسلام آباد یونائیٹڈ کو جیتنے کیلئے 183 رنز کا ہدف دیا ہے۔
