نیشنل سائبر کرائم انویسٹی گیشن ایجنسی (NCCIA) نے نوشہرہ پبی کے علاقے جبہ خٹک میں بڑی کارروائی کرتے ہوئے بچوں کے خلاف فحش اور جنسی استحصال سے متعلق مواد پھیلانے میں ملوث  ملزم کو گرفتار کر لیا۔ کارروائی نیشنل سینٹر فار مسنگ اینڈ ایکسپلوائٹڈ چلڈرن کی کامیاب سائبر ٹپ پر کی گئی۔

ذرائع کے مطابق گرفتار ملزم بچوں کے جنسی استحصال سے متعلق مواد اپ لوڈ اور شیئر کرتا تھا۔ کارروائی کے دوران ملزم کے قبضے سے موبائل فون اور سمز برآمد کر لی گئیں جبکہ موبائل فون کے فرانزک تجزیے میں سنگین شواہد سامنے آئے ہیں۔ کارروائی میں جلوزئی تھانہ پولیس بھی NCCIA کے ساتھ موجود تھی۔

حکام کے مطابق ملزم کے موبائل سے جنسی ہراسگی سے متعلق مواد بھی برآمد ہوا ہے۔ ملزم کے خلاف پیکا ایکٹ 2016 کی دفعہ 22 کے تحت مقدمہ درج کرلیا گیا ہے اور مزید تفتیش جاری ہے۔ ملزم کو جسمانی ریمانڈ کے لیے آج عدالت میں پیش کیا جائے گا۔