ضلع کرم کی سنٹرل کرم تحصیل کے علاقے مناتو میں تور غنڈئ چیک پوسٹ کے قریب سیکیورٹی فورسز پر دہشت گردوں نے حملہ کر دیا، جس کے نتیجے میں پاک فوج کے چھ اہلکار شہید جبکہ چھ زخمی ہوگئے۔

پولیس کے مطابق شہید ہونے والوں میں حوالدار شوکت حبیب، حوالدار سبزل، سپاہی عبدالحالق، سپاہی رفیع اللہ، لانس نائیک امجد اور سپاہی وقاص شامل ہیں۔

زخمیوں میں ایف سی اہلکار محمد جاوید خان، محمد ایاز، رب نواز، عامر شہزاد، محمد رضوان اور محمد زید سلطان شامل ہیں۔

زخمی اہلکاروں کو فوری طور پر قریبی ہسپتال منتقل کر دیا گیا، جہاں ہسپتال ذرائع کے مطابق دو اہلکاروں کی حالت تشویشناک ہے۔

حملے کے بعد سیکیورٹی فورسز نے جوابی کارروائی کرتے ہوئے دہشت گردوں کے ٹھکانوں کو توپ خانے سے نشانہ بنایا، جس کے نتیجے میں متعدد دہشت گرد ہلاک و زخمی ہوئے۔