خیبرپختونخوا میں ای اسٹامپنگ کا نظام نافذ کردیا گیا ہے اور دستی اسٹامپ پیپرز پر مکمل پابندی عائد کردی گئی ہے۔ اس حوالے سے صوبائی حکومت نے رجسٹریشن ایکٹ 1908 کے تحت نوٹیفکیشن جاری کردیا۔
نوٹیفکیشن کے مطابق یکم ستمبر 2025 سے صوبے بھر میں صرف ای اسٹامپنگ کا استعمال ہوگا اور کسی بھی رجسٹریشن دفتر میں دستی اسٹامپ پیپر قبول نہیں کیا جائے گا۔
سرکاری اعلامیے میں کہا گیا ہے کہ رجسٹریشن دفاتر میں دستی اسٹامپ پیپرز کا استعمال ختم کردیا گیا ہے۔ یہ اقدام شفافیت اور تیز سروس ڈیلیوری کو یقینی بنانے کے لیے اٹھایا گیا ہے۔
مزید برآں، نوٹیفکیشن کے تحت تمام رجسٹرارز کو نئے نظام پر سختی سے عملدرآمد کی ہدایت بھی جاری کی گئی ہے۔
.jpg)
