طورخم بارڈر سے افغان پناہ گزینوں کی واپسی کا سلسلہ جاری

طورخم سرحدی گزرگاہ سے افغان پناہ گزینوں کی وطن واپسی کا سلسلہ بدستور جاری ہے۔ امیگریشن حکام کے مطابق گزشتہ روز پی او آر کارڈ رکھنے والے 505 افغان شہری رضاکارانہ طور پر افغانستان واپس چلے گئے، جس کے بعد یکم اگست سے اب تک پی او آر کارڈ ہولڈرز کی واپسی کی تعداد 924 ہو گئی ہے۔

حکام کا کہنا ہے کہ گزشتہ روز افغان سٹیزن کارڈ رکھنے والے 58 افراد بھی وطن لوٹے، جبکہ 643 افغان باشندوں کو بغیر سفری دستاویزات کے ملک بدر کیا گیا۔

امیگریشن حکام کے مطابق اب تک مجموعی طور پر 43 ہزار 944 افغان سٹیزن کارڈ رکھنے والے شہری وطن واپس جا چکے ہیں۔