پاکستان انٹرنیشنل ایئر لائن (پی آئی اے) پاکستانی نڑاد برطانوی شہریوں کے لیے17مئی تک پروازیں چلائے گی۔
حکام کے مطابق پی آئی اے پاکستانی نژاد برطانوی شہریوں کے لیے17 مئی تک پروازیں آپریٹ کرے گی، لاہور سے 2، اسلام آباد سے 7 خصوصی پروازیں برطانیہ کے لیے روانہ ہوں گی۔
پی آئی اے کی پروازیں پاکستان سے لندن، مانچسٹر اور برمنگھم کے لیے آپریٹ کی جائیں گی، پہلی پرواز 11 مئی کو اسلام آباد سے لندن جائے گی، دوسری پرواز 12 مئی کو اسلام آباد سے مانچسٹر جائے گی۔
مزید پڑھنے کے لئے کلک کریں:
طورخم، 430 پاکستانی وطن واپس آ گئے
ووہان میں پھنسے پاکستانی طلباء کو واپس لانے کا فیصلہ
متحدہ عرب امارات میں 60 پاکستانی وطن واپسی کے منتظر
ترجمان پی آئی اے کے مطابق 13 مئی کو پی آئی اے لاہور سے لندن خصوصی پرواز چلائے گی، 14 مئی کو اسلام آباد سے لندن، مانچسٹر کے لیے 2 پروازیں آپریٹ ہوں گی، 15 مئی کو لاہور سے مانچسٹر کے لیے خصوصی پرواز چلائی جائے گی۔
واضح رہے کہ امریکا میں پھنسے پاکستانیوں کی وطن واپسی کے لیے پاکستان انٹرنیشنل ائیر لائنز (پی آئی اے) کی پہلی خصوصی پرواز پاکستان کے لیے روانہ ہو گئی ہے۔
قومی ائیر لائن کی خصوصی پرواز پی کے 8722 کے ذریعے 200 پاکستانیوں کو واشنگٹن سے اسلام آباد لایا جا رہا ہے۔
