لوئر دیر: افغانستان سے دہشت گردوں کی فائرنگ کے نتیجے میں حوالدار شہید

لوئر دیر میں افغانستان کی طرف سے دہشتگردوں نے پاک فوج کی چیک پوسٹ پر فائرنگ کی جس کے نتیجے میں حوالدار گل امیر شہید ہوگئے۔

انٹر سروسز  پبلک ریلیشنز (آئی ایس پی آر) کے مطابق پاک فوج نے دہشتگردوں کی فائرنگ کا بھرپور جواب دیا، پاک فوجی کی جوابی کاروائی میں ایک دہشت گرد ہلاک اور 3 زخمی ہوگئے۔

آئی ایس پی آر کے مطابق دہشتگردوں کی فائرنگ سے حوالدار گل امیر شدید زخمی ہوئے تھے لیکن دوران علاج وہ  شہید ہوگئے۔ شہید حوالدار گل امیر کا تعلق لکی مروت سے تھا۔