بنوں جانی خیل سے دو ہفتے قبل لاپتہ ہونے والے 4 نوجوانوں کی نعش بر آمد ہوگئیں جنہیں قتل کرنے کے بعد دفنا دیا گیا تھا‘ ذرائع کے مطابق چاروں دوست دو ہفتے قبل شکار کیلئے گئے تھے جو لاپتہ ہوگئے تھے ‘
سب ڈویژن وزیر اتمانزئی کے علاقہ وڑیکی جانی خیل میں سین تانگہ میں قبرستان سے نعشیں ملیں ‘ مقتولین کی عمریں 14سے 18سال تک بتائی جارہی ہیں ‘ قتل ہونے والے چاروں نوجوان ایک ہی گاؤں ہندی خیل جانی خیل کے رہائشی ہیں جن کی شناخت عاطف اللہ ‘ احمد خان‘ رفعام اللہ اور محمد رحیم خان کے نام سے ہوئی۔
پولیس نے نعشوں کو پوسٹمارٹم کیلئے ڈسٹرکٹ ہیڈ کوارٹر ہسپتال منتقل کرکے نامعلوم ملزمان کیخلاف مقدمہ درج اور تفتیش شروع کردی گئی۔
