مردان میں موٹر کار اور ٹرک میں تصادم کے نتیجے میں میاں بیوی دو بچوں سمیت جاں بحق ہوگئے۔ ریسکیو 1122 کے مطابق حادثہ رستم چنگی بابا کے قریب بونیر روڈ پرپیش آیا جہاں موٹرکار میں سوار 6 افراد ماربل سے بھرے ٹرک کے نیچے دب گئے.
ماربل سے بھرا ٹرک مردان کی طرف جبکہ موٹر کار میں سوار خاندان بونیر جارہا تھا. جاں بحق ہونے والوں میں ارشد اس کی بیوی، 6 سالہ بیٹا اور 4 سالہ بیٹی شامل ہیں، حادثہ کی اطلاع ملتے ہی ریسکیو1122 کی ریکوری ٹیم ٹرک تلے دبے موٹرکار میں پھنسے افراد کو نکالنے کیلئے پہنچ گئے.
ریسکیو1122 ریکوری ٹیم نے مشینری کا استعمال کرتے ہوئے ٹرک اور موٹرکار کو کاٹ کر لاشیں نکال دی اور دو زخمی افراد کو قریبی ہسپتال پہنچا دیا۔
