کرک میں ایک گھر کے اندر گیس لیکج دھماکہ ہوا ہے جس کے نتیجے میں ایک بیٹا جاں بحق جببکہ میاں بیوی اپنے دو بچوں سمیت شدید زخمی ہوگئے۔
نمائندہ ٹی این این کے مطابق واقعہ کرک کے علاقے اودین شاہ کلی میں شرباتی نامی شخص کے گھر میں پیش آیا ہے جس کے نتیجے میں ایک بیٹا جاں بحق جبکہ میاں بیوی اپنے دو بچوں سمیت بری طرح سے جھلس گئے۔
دھماکے سے لگنے والی آگ بجھانے کیلئے پولیس نے امدادی کاروائیاں شروع کردیں جبکہ جھلسنے والے افراد کو علاج کیلئے خلیفہ گلنواز ہسپتال بنوں روانہ کردیا گیا۔
پولیس کے مطابق دھماکے کی وجہ سے ایک کمرہ مکمل طور پر منہدم جبکہ دو کمرے جزوی طور پر متاثر ہو چکے ہیں۔
