پاکستان تحریک انصاف کے سابق رکن قومی اسمبلی انجینئر حامد الحق کا ایک نرالہ انداز، ایک ہزار روپے کی شرط پوری کرنے کے لیے کئی منزلہ بلند سائن بورڈ پر چڑھ گئے۔
میڈیا رپورٹس کے مطابق انجینئر حامد الحق ازراہ مذاق ایک ہزار روپے کی شرط پوری کرنے کے لیے تین یا چار منزلہ بلند سائن بورڈ پر چڑھ گئے۔
موقع پر موجود ان کے دوستوں نے ویڈیو بھی بنائی اور سوشل میڈیا پر اپ لوڈ کر دی جو دیکھتے ہی دیکھتے وائرل ہو گئی۔
ویڈیو میں دیکھا جا سکتا ہے کہ وہ سیڑھیوں کے ذریعے سائن بورڈ کی انتہا تک پہنچے اور واپس آئے بعدازاں انہوں نے ایک ہزار روپے وصول کر کے فاتحانہ انداز بھی اپنایا۔
