خیبر پختونخوا میں آئندہ چوبیس گھنٹوں کے دوران مزید بارش کا امکان

محکمہ موسمیات کے مطابق خیبر پختونخوا میں آئندہ چوبیس گھنٹوں کے دوران مزید بارش کا امکان ہے۔

پشاور، نوشہرہ، مردان، چارسدہ، صوابی، دیر، چترال، شانگلہ، بونیر، مالاکنڈ، ایبٹ آباد، ہری پور، مانسہرہ، بٹگرام، کوہستان، تورغر، مہمند، باجوڑ، کوہاٹ، ہنگو، کرک، لکی مروت، بنوں، کرم، ڈی آئی خان، ٹانک، شمالی اور جنوبی وزیرستان میں بارش کا امکان ہے۔

گذشتہ روز صوبے کے مختلف اضلاع میں بارش ریکارڈ کی گئی، جس میں کاکول اور پٹن میں 32 ملی میٹر، بالاکوٹ میں 28، دیر اور مالم جبہ میں 19، سیدو شریف میں 12 اور پشاور میں 6 ملی میٹر بارش ریکارڈ ہوئی۔

چترال میں 2 انچ اور کالام میں 1 انچ برفباری ہوئی۔ پشاور میں کم سے کم درجہ حرارت 10 ڈگری سینٹی گریڈ جبکہ زیادہ سے زیادہ درجہ حرارت 19 ڈگری سینٹی گریڈ تک جانے کا امکان ہے۔

سب سے کم درجہ حرارت پاراچنار میں منفی 3 جبکہ کالام، دورش، مالم جبہ اور چترال میں صفر ڈگری سینٹی گریڈ ریکارڈ کیا گیا۔